धुळे : महापालिकेतील माजी विरोधी पक्षनेते व शिवसेनेचे माजी नगरसेवक प्रदीप कर्पे यांनी आपल्या सहकाऱ्यांसह मंगळवारी मुंबईत भाजपचे प्रदेशाध्यक्ष रावसाहेब पाटील दानवे यांच्या उपस्थितीत भाजपमध्ये प्रवेश केला.
मुंबईत नरिमन पॉईंट येथील भाजपा प्रदेश कार्यालयातील पक्षप्रवेशाच्या वेळी ग्रामविकासमंत्री पंकजा मुंडे, सहकारमंत्री सुभाष देशमुख, पर्यटनमंत्री जयकुमार रावल, भाजपचे धुळे शहराध्यक्ष अनुप अग्रवाल व नाशिक शहराध्यक्ष बाळासाहेब सानप उपस्थित होते.
प्रदीप कर्पे यांच्यासमवेत बबन चौधरी, ॲड. चंद्रकांत चौधरी, माजी सरपंच नंदुभाऊ पाटील, नरेश हिरे, सुधार समाज संघटनेचे अध्यक्ष पराग अहिरे यांनी भाजपमध्ये प्रवेश केला. या वेळी धुळ्यातील महिला कार्यकर्त्याही मोठ्या संख्येने उपस्थित होत्या.
खासदार पाटील दानवे म्हणाले, ‘भाजपचे केंद्र व राज्य सरकार मोठ्या प्रमाणात विकास कार्य करीत आहे. भाजपच्या कार्यकर्त्यांनी पक्ष संघटनेच्या माध्यमातून जनतेची कामे करावीत. आपल्या सरकारने केलेली कामे जनतेपर्यंत पोहचवावीत. कार्यकर्त्यांनी सातत्याने जनतेशी संपर्क साधून आपल्या सरकारच्या योजनांचा लोकांना लाभ करून दिला पाहिजे.’
संरक्षण राज्यमंत्री व खासदार डॉ. सुभाष भामरे यांनी भाजपमध्ये प्रवेश करणाऱ्या कार्यकर्त्यांना शुभेच्छा दिल्या. त्यांचा संदेश जयकुमार रावल यांनी वाचून दाखविला. या वेळी भाजपचे धुळ्यातील कार्यकर्ते मदनभाऊ डापसे, हिरामन गवळी, चंद्रकांत गुजराथी, ओम खंडेलवाल, भिकन वराडे, अमित थोरात, युवराज पाटील, बापू खांडवे, सोमाण शिंदे, अमोल धामणे, रमेश शिंदे, संजय बडगुजर, डॉ. विपुल बाफना, डॉ. आर. आर. पाटील, डॉ. संजय बोरसे, राजा बडगुजर, कुणाल चौधरी, शिवलाल चौधरी, विलास शिंपी, प्रकाश पाटील, राजू महाजन, छोटू थोरात, संजय वराडे उपस्थित होते.
